Glorien 93 Maogmang nagtiripon

Ang orolay na pag tiripon kang highschool batch 93 pig punan Enero pa sana kang taon na ini.
Nahiling ko na sa Facebook na pirmi ining hot topic.
Alagad ako personal kung aram na garo dae ako sigurado nin huni ta kadakol sanang dalagan ang maarabot.

Nag abot ang Pebrero nabaretaan ko ang Camsur International Marathon.
Sabi ko sa sadiri ko dae ko ini papalagpason.
Kang nagkahilingan ngani kami ni Coach Rio- pig sabi ko saiya, tibaad ang first full marathon ko igde sa CIM ko guibohon.

Alagad ang mga pangyayari dae ko namalayan nag Mayo, duman ako nabunyagan kang full marathon na ini.

Garo nang-gad dae na ako makaka atindir kang tiripon na ini. Medyo namumundo ako.
Ta sa memorya ko basta may sinabing tiripon elementary man o highschool batch, pirmi akong yaon.
Pig isip ko pa kung papalagpason ko ini.
Mala ta naka isip akong mag litik duwang semana bago ang aldao kang tiripon.

Nahurophuropan ko na.....kadakol man ning marathon na masurunod pa....ining mga ka-batch ko kang elementary tsaka highschool- sinda ang mga amigo asin amiga ko na haloy ko nang biristo. Kung susumahon si elementary classmate may 27 yrs, si highschool 20 years and counting . Sinda na pig turing ko na garo mga tugang...sinda na mga nakaiba ko nin marhay asin an pundasyon kang "friendship" na ini mayong halo ni ano mang interes...kundi purong pagkamoot asin pagkamagturugang na pig tadhana kang panahon.

Naguiromdoman ko ang elementary sagkod highschool batch ko sa UNC garong haros mayong pinag-iba. Ini por dahil kadaklan sa mga kaklase ko kang elementary sa UNC man guiraray nag highschool. Kaya ngani pag may tiripon na nababareta sa batch na ini interesado akong mag iba, ta para sako sinda an saro sa mga haraluyon ko nang kabistado, amigo asin amiga.

Orogmahon gabos, nagbabarayle, ano ini Senior night in jeans? hehehe

sa picture na ini narumduman ko si pirmi pig sabi sa mga party kadto "Raise the roof!"

Kang pag abot kang aldao na pig takda kang samuyang maogmang tiripon garong kulang ang panahon.
Grabe dae pondong ngakngak, iristorya, ngirit igde- duman, picturan na dae matapos tapos ini an sakuyang naobserbahan. Pati ngani ako nag pondo kang nawaran nin baterya.

Pig sabi ni Cloyd na dakul sa mga ka-batch an may mga marhay na buhay ang nag heras kan saindang "blessing". Marhay na salamat sainda, por dahil dyan naging mas magayon ining pambihirang pagtiripon kang mga uragong batch 93 (lol!).
Dae man dapat pag lingawan na ang tiripon dae kuta madadagos kung bako por dahil sa mahigos na pag organisar kang mga uragon na ka-batchmate na nakabase sa naga.  Arog ki cloyd (mahigoson ka pre),  nong nong, luna, cora etc...hay kadakol sanang pangaran na dae ko na masaro saro....ang masabi ko lang urgulyo ko sinda gabos.

ining hirilingan na ini pag mate ko mayong gayong nag liwat sa mga lalawugon dawa ngane 17 yrs na poon kang kami nag gradwar nin highschool lol!

siguro mga sampulong taon pa may mahirira na.

Ining da moobs na ini an ebidensya na mayong nag hera sa batch 93 hehehe

Naoogma ako na ang mga amiga asin amigo dawa haloy na dae naghirilingan...mayo nin aralanganan...iyo man guiraray....napasuhay lang kang panahon....maogma ini. Laom ko na ang mga masunod na tiripon ma bunga nin mas marhay asin pusog na iribahan.

ining duwang ini sampulong taon ko dae nahiling...nag aragom kami na dae nagkabararetaan...tano daw?
mayo lang. nagkasuruhayan lang.

c neri saka c nono- mga kaklase poon elementary...c nono ngane hanggang college
grabeh!

Sarong malipot na hapon....

I was a little inspired to blog in my native tongue....I didn't know there were lots of blogger out there using our native dialect (or as other refer to it a language (is it debatable???)) bikol.

Oragon? Yah I guess I am one proud oragon na bikolana.

Here is a piece of a story working title is "untold feelings...." I originally intend to write this in english....but I realize why not try in my native tongue. Besides, there will be no loss in translation. But I guess this will test how well I know my dialect, my choices of words and how well I convey emotion. So much for the explanation. Read below...

Dae ko aram kung tano arog kaini ang namamate ko saiya.

Garong sa heleng ko mayo man nin dahilan para masunuan ko sya, kadakol ko na nin amigo.

Pero ngonian napupungaw ako na mayo sya, na dae nya na ako pigkakaulay, dae pig text.

Tano daw?

Ano kaya ining namamate ko?

Nahulog baga an boot ko saiya?

Pero garong bako man ining pagkamoot.

Tano ta arog kaini?

Siguro manangad arog kaini pag ang tao marhay ang pig pahiling saimo talagang mayo kang maginibo kundi masunuan mo man sya.

Tano ta arog kaiyan...pagmate ko nabiktima ako kan sarong bagay na habo kang isip ko.

Masiram syang kaulay. Maboot sya, dae ko lang talaga gusto ang saiyang pagpaparaumaw sakuya.

Garo kayang sobra man nya akong pag masidan...lalo na ang hayagan nyang pag sabi sakuya na nagagayon sya sakuya.

Aram ko bako akong makanos pero garo dae man tama sakuya an saiyang grabeng pagumaw. Garo man sya agit agitan sakuya, minsan ngani sinasabi nya yan sakuya tapos ini an pigpunan kan haloy na asusang. Alagad, dawa arog kaiyan sa saro sa samuyang ulayan pig linaw nya sakuya na nakikiamiga sana sya.

Ako man na may marhay na boot- marhay man lang ang paheleng saiya

Dae ko aram pro pag nakakadangog ako nin kanta na mamundo namumundo man ako.

Bluer than blue ang nadadangog ko ngonian....tapos garong malipot....nalilipot ako ta talagang malipot an panahon ngonian.

Siguro kc sa halawig na panahon may mga bagay akong habong atubangon.

Arog kaneng namamate ko....gusto kung makiamigo sa sarong tao na nagagayunan sako....na sa namamate ko sa pagmasid masid kan saiyang heroon garong posibleng pag pigtaanan kung atensyon baka mapule sa sarong bagay na makanos asin sakuyang pagbasulan....sarong dakulang kasalan.

Madayaon ngane sya por dahil sya hayagaan nya na naipapaabot ang pagmate nya sakuya.

Alagad ako dae ko magibo ini, pano babae ako. Bakong marhay para sa babaeng may agom na nakikimarayan nin boot sa lalake na may agoma man dawa ngane amigo sana lalo na kon aramo na ining lalaking ini may interes saimo. Makasupog lalo na mayo man depekto ang ibahan me kan sakuyang agom.

Dae ko din aram basta arog ngonian hinahanap hanap ko na lang sya.

Gusto ko sya makaulay nin haloy. Puede man kuta pero ano ang pagpaparaurolayan.

Mag ngak-ngak na garong marhay lang talagang mag amigo?

Siguro kaya pinapansin ko gabos saiya, dawa dae gayo risa.

Dae ko aram napapaso ako kang mga hling nya...dae naman ako inosente pero grabe tensyon kang mga heleng nya- aram kung may hararom na paglaom ang mga heleng nya.

Inda kung hanggang nuarin ang arog kaining sitwasyon.

Haloy na kami sigeng ulay na kaming duwa lang nakakaaram.

Minsan, pig amin nya sakuya na suno nya ako an hitsura ko, may tolong bulan na an nakaage- dae sya nakatios.

Nin huli sa saiyang sinabi, pig hapot nya ako kung ang'ot ako saiya. Ano an dapat na simbag? Dae ko man aram....an sakuya na sanang pigsabi, si totoo kung namate. "Ayos lang, para kayan. Mayo man yan, nag hanga ka sana man."

Alagad, pig purbaran ko na mag iwas saiya. Masakit na, tibaad saen pa maabot an saiyang namate.

Sa pagheleng ko arog kayan ang guinibo nya kaya sya nag tuga kan saiyang namatean sakuya. Ta nganeng aram ko na dae na sya maalangan pa. Ta nganeng dae na sya masakitan pa, dae na maglaom, saka para dae na magrarom pa ang saiyang namatean.

Ang paglaom ko ngane nalingaw na sya sakuya, may sambulan kaming haros dae nag ulay....napungaw ako saiya. Alagad dae ko naandaman ta kan kami nagkahilingan guiraray mahamison na naman ang saiyang pakipag ulay sako sige nya na naman pahaging kan saiyang pag hanga sakuya.

Tibaad napungaw sya sakuya kan halawig na bakasyon.

Ako eu man pungawon ako saiya.

Pero aram ko sala ene ta mas moot man ako sa agom ko.

Ngonian ko lang naisip na pede ka palan makamate arog kaine dawa may sigurado kang namumutan.

Masakit ini.

Habo ko na- ano daw dapat kung guibohon.

Napapangirit ngane ako ta dati nasusuya ako kang mga arog kaining istorya....pro ngonian ini man ang istorya kan buhay ko.

Habo kung magkasala sa agom ko. Ining namamate ko na ini bakong kasalan na ini?

Ini baga an inaapod na tentasyon?

Ano ta pig te tentasyonan na ako ni satanas?

Kaya ano baga ang dapat kung guibohon?

Sa heleng ko pareho kami nin rason o iniisip kaya minsan dae aram ang guibohon pag yaon an kada saro.

Sarong beses pa lang nagkataon na nagkaiba kaming duwa.

Mayo din nakakaaram pero naaraman pa ni agom.

Si agom ko dae nagmalisya, ta pig sabi ko an totoo.

Maogma ako kang panahon na idto-dae na nasundan.

Dae na siguro kasi garong habo me man na nagkakaiba na kami lang.

Mayong papadumanan ining sinusurat kung ini....puro lang paglaom, pagbasol, pag isip- ano daw? Eu man kaya sya? Tibaad arog kaini....?

Dae ko aram....pero ining mga nakaaging bulan gusto ko ang atensyon na itinatao nya sakuya....minsan inda pero garong mas masid masid nya pa ako kesa kan agom ko.

Sa parteng ene aram ko nagkakasala na ako.